日本新生代女星廣瀨鈴喺圈中雖然唔係咩世界女，但都有番一、兩個知心友，19 號就係佢 18 歲生日，事前野村周平同幾個 FD 已經約咗佢去睇電幻少女組合 Perfume 演唱會慶祝。到生日正日仲獲大塚愛、前田敦子等喺 Twitter 度祝福。連佢一向被稱不和嘅家姐廣瀨愛麗絲，都留咗句：「すっっっっっっちゃんHappy Birthday！」（唔使繹啦。）
原本單嘢真係無乜特別，但世事就往往如「奇」，愛麗絲唔知發咗咩癲，見阿妹無回佢嘅留言，竟然再追多個 Post ，「すっちゃんにおめでとうって言っても何も返信ないのね…」（大約繹：點解唔覆 Message ）個 Post 一出，辣着咗成班花生友，猛話再次力證咗兩姊妹關係已到水火不容之地，係嘅。你哋兩姊妹，論個樣、身材、身高都係家姐優勝啲啲啲啲啲啲啲啲啲啲……細妹愈大仲愈似家姐，但阿妹就人氣爆晒燈，家姐仲喺屋企等運到，唔傳不和都唔得啦。咪當幫下家姐囉。
來源：Modelpress
